ہماری لاپرواہی لاتعداد زندگیوں کو خطرے میں ڈال سکتی ہے، مہوش حیات

کراچی: 

 اداکارہ مہوش حیات نے عوام سے درخواست کرتے ہوئے کہا ہے کہ براہ مہربانی ذمہ داری کا مظاہرہ کریں کیونکہ ہماری ذرا سی لاپرواہی لاتعداد زندگیوں کو خطرے میں ڈال سکتی ہے۔

مہوش حیات نے کورونا وائرس کے خطرے اور اس سے بچاؤ کے حوالے سے ایک آگاہی ویڈیو جاری کی ہے جس میں انہوں نے لوگوں سے درخواست کی ہے کہ اس وائرس کو سنجیدگی سے لیں۔ مہوش حیات نے اپنے ویڈیو پیغام میں کہا پاکستان کو اس وقت کورونا وائرس کی صورت میں سب سے بڑے چیلنج کا سامنا ہے، ہم جو کچھ بھی آج کریں گے اس سے ہماری آنے والی نسلوں کی قسمت کا تعین ہوگا ۔ دنیا بھر کا صحت کی دیکھ بھال کا نظام بھی اس وبا کے آگے ناکام ہوتا نظر آرہا ہے اور وہ لوگ ہزاروں کی تعداد میں اموات کے لیے خود کو تیار کررہے ہیں لہذا اس صورتحال میں ہمارے لیے کیا مواقع ہیں۔

یہ بھی پڑھیں: ہمیں لوگوں کی عزت نفس کا خیال رکھتے ہوئے مدد کرنی چاہیے، نیلم منیر